இந்தியாவில் தற்போது நோட்டுகள், சில்லரை நாணயங்கள் மூலமாக ரூபாய் பரிமாற்றம் நடக்கிறது. இதற்கு மாற்றாக விரைவில் டிஜிட்டல் நாணயம் அறிமுகம் செய்யப்படும் என்று கடந்த பட்ஜெட்டில் ஒன்றிய நிதியமைச்சர் நிர்மலா சீதாராமன் அறிவித்தார்.
அதன்படி, சோதனை அடிப்படையில் டிஜிட்டல் நாணயத்தை ரிசர்வ் வங்கி புழக்கத்தில் விட்டது. முதல் கட்டமாக, அரசு சார்ந்த பங்கு பத்திரங்கள் விற்பனையில் மட்டுமே இந்த நாணயம் பயன்படுத்தப்படும்.
இதை கையாள்வதற்கு, ஸ்டேட் பேங்க் ஆப் இந்தியா, பரோடா பேங்க், யூனியன் பேங்க் ஆப் இந்தியா, எச்டிஎப்சி, ஐசிஐசிஐ, கோடக் மகிந்திரா, யெஸ் பேங்க், ஐடிஎப்சி பர்ஸ்ட் பேங்க், எச்எஸ்பிசி, ஆகிய 9 வங்கிகளுக்கு அனுமதி அளிக்கப்பட்டு உள்ளது.
இந்த வங்கிகளின் மூலமாக மொத்தம் 59 பரிவர்த்தனைகள் நடந்தன. இதன்மூலம், ரூ.275 கோடி டிஜிட்டல் நாணயம் பரிமாற்றம் செய்யப்பட்டது.
0 Comments