நாங்குநேரி சம்பவம் தொடர்பாக விசாரணை நடத்த, ஓய்வுபெற்ற நீதிபதி சந்துரு தலைமையில் ஒரு நபர் குழு / A one-man panel headed by retired Justice Chanduru to investigate the Nanguneri incident

• நாங்குநேரி பெருந்தெருவைச் சேர்ந்த சின்னதுரை என்ற மாணவர், வள்ளியூர் கண்கார்டியா அரசு மேல்நிலைப்பள்ளியில் 12-ம் வகுப்பு படித்து வருகிறார். பட்டியலினத்தை சேர்ந்த இவருக்கும், அதே பள்ளியில் படித்த சில மாணவர்களுக்கும் இடையே சாதி ரீதியான மோதல் இருந்து வந்துள்ளது.
• கடந்த 9ம் தேதி இரவு வீடு புகுந்து ஒரு கும்பல் சின்னத்துரையையும், தடுக்க வந்த அவரது தங்கையையும் அரிவாளால் தாக்கியது. இது தொடர்பாக, 4 மாணவர்கள் உட்பட 7 சிறுவர்கள் கைது செய்யப்பட்டுள்ளனர்.
• இந்நிலையில், பள்ளி, கல்லூரி மாணவர்களிடையே சாதி, இன உணர்வுகள் காரணமாக உருவாகும் வன்முறைகளைத் தவிர்க்கவும், நல்லிணக்கத்தை ஏற்படுத்தவும், ஓய்வுபெற்ற நீதிபதி சந்துரு தலைமையில் ஒரு நபர் குழு அமைத்து முதலமைச்சர் ஸ்டாலின் உத்தரவிட்டுள்ளார். 
• இந்தக் குழு, கல்வியாளர்கள், மாணவர்கள், பெற்றோர்கள், சமூக சிந்தனையாளர்கள், பத்திரிகைத் துறையினர் என பல்வேறு தரப்பினரிடமிருந்தும் கருத்துக்களைப் பெற்று அதனடிப்படையில் அரசுக்கு விரைவில் அறிக்கை சமர்பிக்கும் என்றும் தெரிவிக்கப்பட்டுள்ளது.